|
پنبه ي داغ جنون ايچره نهان دير بدنيم×××ديري اولدوقجا لیباسيم بودور ، اولسه م كفنيم
|
 |
 |
||||
|
آنا
منیم آنا ساوادسیزدیر آدینی دا یازا بیلمیر منیم آنام آنجاق منه سای اؤیردیب آی اؤیردیب ایل اؤیردیب ان واجیبی دیل اؤیردیب منیم آنام بو دیل ایله تانیمیشام هم سئوینجی هم ده غمی بو دیل ایله یاراتمیشام هر شعریمی هر نغمه می، یوخ من هئچم من یالانام کیتاب کیتاب سؤزلریمین
آزادليق آزادليق، سعادت، دموكراتيا... اصلينده هر بيري بير كلك، بير ريا! منيم بو سؤزلره يازيغيم گلير، حقوق-لار تاپدانير بو كلمه لرده. اينسانين سينه سي ظولمه يول اولور، آزادليق اؤزو اولمايان يئرده، قايدادير همئشه سؤزو بول اولور...!
+
نوشته شده در پنجشنبه بیست و یکم اردیبهشت 1391ساعت 14:29 توسط nuri
|
|
|||||
|
|||||
|
|
|
||||
|
درد اورتاقدیر هدف قوتسال هرکیم اولورسان اول داغ،دره،دومان،یول من هر گئجه، سنین چون آغلارام یا سن زنگانداکی یاندیریلان یوزاللی کیشی یا سن سالماسداکی دوغرانیلان بیر اسگر یاسن وارلیغین بیراخیب تهرانا گئدیب دووارلار دیبینده پورتاغال ساتان یا سن نوه سینین دیلین آنلامایان بیر آغساققال بابام یا سن ماهنی سی دوداغیندا پاسلانمیش آغ بیرچک آبام هرکیم اولورسان اول . من هرگئجه سنین چون آغلارام ############################ منی سسله ییر اوچ کیشی محمد امین سونرا بییم ایزین وئرین سئودیگیم قیزین آدین سویله مه ییم. ############################# گئدرکن آز ایدی یاشی آردیجا باخیردی باجی باخیشی توکه نیردی آنا طاقتی اوتدو ایللر آیلار مکتوب یازدی آیلار قیزلاری سئویلمیر اوغلانلار سئومیر گووده سی جانسیزدیر داماری قانسیز خیرتده یی خیریلتیدا نفسی سایدا هارداسان هاردا قارداشیم تئز گل بو شهری بوغور ایکی ال قاییدارکن آغارمیشدی قاشی سورگون شاعیری قارشیلامادی بیری باجی نی قویمادی اری آنا تورپاق امانتی دونن گولوردو شهر تانیش دئییل دی کیمسه یه کدر آی هوروردو ساچی نی آیدا بزه ییردی تاجی نی آیدین سئویردی باجی نی آغیزلار اوخشاییردی لاچینی آی آمان نه چتین میش تورپاق حسرتی اوجا داغ، سرین سو، یایلاق حسرتی بوگون قالماسادا اوشاقلیق اویونداشی قالیر خاطیره سی قالیر ائوجیکلرین خینالی داشی قالیر آغزیمدا دادی آنا اوجاغی نین ایستی آیران آشی داش اوزدوره جه ییک گولچه لرینده ایشیق سالاجاق سولارینا توز تورپاغی سیلینمیش آینا آند اولسون اوشاق اوره یینین آیدینلیغینا آند اولسون. ####### اوتاغین ایچینده آددیملاییرام ایچیرم و پنجردن کوچه یه باخیرام هاوا سویوقدور هره بیر پاپاق تاخمیش باشینا قاچیر دوشورم کوچه له رین جانینا دولانیرام بلکه بیری الیمدن توتوب آپارسین ائوه آپاریرلار یئرسیزلر ساراینا یئر سیز دئییلم دئیه پنجره دن آتیلیب قاچیرام دولانیرام کوچه لری بلکه بیری الیمدن توتوب آپارسین ائوینه قوناق تک یاشام ایسته مم دئیه الیمی الیندن قورتاریب قاچیرام یورغون آرغین ماغمین ماغمین دولانیرام کوچه لری بلکه بیری الیمدن توتوب قایتارسین ائویمه آما هر ندن اونجه سون قویسون دردیمه کدریمه ائویم اوتورمالی اولسایدی من اوتورا بیلسه یدیم گئجه نین بو واختی بو سویوق قیشدا دوشمزدیم کوچه له ره دولانیرام کوچه له ری بلکه بیری... ######## باشیمدا مین بیر سئودا سینه مده مین بیر یارا اوره یمیده مین بیر درد سئودامین بیری سن یارامین بیری وطن دردیمین بیری اوغولسوز ددم باشیمین مین سئوداسی سینه مین ،مین یاراسی اوره یمین مین دردی لاچین،کلبجر،خان کندی. ############### قیزیم من سنه نه ماهنی اویره ده جه یم نه یاد دیلده سرود نه ده قوران گئت هر نه یه اینانیرسان اینان منیم سنه پاییم کیچیجیک باغچا و نئچه گولدان توخوم اک سو سپ هر گون گونش دورمادان اویان سئرچه سسینه سارماشیق هوسینه من سنه نه سالام اویره ده جه یم نه ساغ اوللاشما یالنیز چیچک بئجرمک اویره ده جه یم چیچک بئجرمک.
+
نوشته شده در چهارشنبه بیستم اردیبهشت 1391ساعت 13:55 توسط nuri
|
|
|||||
|
|||||
|
|
|
||||
سنه بیر داش آتار یئریندن دوران . سنی سئودیکلرین داش قالاق ائیلر ، بیر الینده داش وار ، بیر الینده قوران . داش آتان بیلیرمی نه گوناه ائیلر ؟!
سیلرسن گؤزوندن آخان یاشلاری ، اؤپوب عزیزلرسن سن او داشلاری ، دئیرسن «وار اولون ، قان قارداشلاری» ، منی تزه داشا کیم قوناق ائیلر ؟!
هر داش اؤزو بویدا کؤز اولوب یانار ، جانا دامغا کیمی باسیلیب یانار ، قانلی یارالارین قیزاریب یانار ، سنی باشدان باشا چلچراغ ائیلر ؟!
بیرجه تیلسیمین وار – سئوگی تیلسیمی کیم قیرار تانریا باغلی بیر سیمی ؟! تانری تانری دیرسا ، اؤز ائلچی سینی مین بیر داش آلتیندا یئنه ساغ ائیلر .
سن دؤزرسن آغریسینا ، داش دؤزمز ، داش هارای ائیلر او داشلاردان تانری سنه ، بیر ائو تیکر ، سارای ائیلر ...
+
نوشته شده در سه شنبه نوزدهم اردیبهشت 1391ساعت 13:38 توسط nuri
|
|
|||||
|
|||||
|
|
|
||||
|
سوروشدو : نه قدر سئویرسن منی ؟ بیر چوخ فیکیرله شدیم جواب تاپمادیم ایبهاملی بیر سکوت کؤچدو ذهنیمه محبتی اؤلچه ن بیر قاب تاپمادیم سؤیله دی : اولمایا آزجا سئویرسه ن ؟ اوره ییم توتولوب تیتره دی بیردن محبته اؤلچو اولسایدی یقین بو سونکو گیلئیی ائشیتمه زدیم من اما هئچ بیریمیز دانانماریق کی هر کسه عزیزدیر آناوطنی ایندیسه نئجه دیر سویله سه م اگر آذربایجان قدر سئویرم سنی
"محمد رضا مقدسی "
+
نوشته شده در سه شنبه نوزدهم اردیبهشت 1391ساعت 13:19 توسط nuri
|
|
|||||
|
|||||
|
|
|
||||
|
سید عظیم شیروانی ۱۸۳۵-جی ایل یول آیینین ۹-دا شاماخیدا روحانی عائله سینده آنادان اولموشدور. سید عظیم کیچیک یاش لاریندا ایکن شاماخی نین تانینمیش، معتبر شخص لرین دن اولان آتاسی سید محمد وفات ائتمیشدیر. سید عظیم آنا باباسی موللا حسینین حمایه سی آلتیندا یاشامیش دیر. موللا حسین داغیستاندا یاقسای کندینده روحانی لیک ائدیردی. باباسین دان عرب و فارس دیل لرینی اؤیرنن سید عظیم تخمینن ۱۰ ایل سونرا شاماخییا قایی دیر و بورادا مدرس هده اوخویوب اورتا روحانی تحصیلینی تاماملاییر. ۱۸۵۶-جی ایلده عالی روحانی تحصیلی آلماق هوسی ۲۱ یاشلی گنج سید عظیمی عراقا، اول نجف و باغدادا، سونرا ایسه سوریانین شام شهرینه آپاریر. گنج شاعر عراقدا اوخویارکن دونیوی علم لره ده بؤیوک ماراق گؤستریر. شاماخییا قاییتدیق دان سونرا ۱۸۶۹-جو ایلده اورادا یئنی اصول اوزره مکتب آچاراق عؤمرونون آخیرینا قدر بورادا معلم لیک ائدیر. کؤهنه موللاخانالاردان فرق لی اولاراق او، بو مکتبده اوشاق لارا دینی علم لرله یاناشی، آذربایجان و فارس دیل لرینی تعلیم ائدیر، تاریخ، جوغرافیا، حساب و سایر فن لردن ایبتیداعی معلومات دا وئریردی. تصادفی دئییل کی، آذربایجانین گؤرکم لی شاعری میرزه الکبر صابیر، مشهور یازیچی و پئداقوق سلطان مجید غنی زاده و بیر سیرا باشقا یازیچی لار محض اونون مکتبینده اوخوموشلار.
گئجه گؤردوم سنی، ائی آفتی دؤوران، یوخودا، سید عظیم شیروانی یارادیجی لیغی نین ایکینجی مرحله سی اونون معاریفچی و تنقیدی- ساتیریک شعرلریله باشلاییر کی، آرتیق بو زامان دان اعتباراً اونون یارادیجیلیغیندا رئالیزم اوستونلوک تشکیل ائدیر. اونون رئالیست شعر یارادیجی لیغی ساحه سینه کئچمه سینده “اکینچی” غزئتی نین موهوم رولو اولموشدور. چونکی، محض “اکینچی”نین تأثیریله شاعر گونون بیر چوخ زروری مسئله لری ایله ماراق لانیر و یارادیجیلیغیندا یئنی مؤوضولارا کئچیر، معاصر حیاتین طلب لرینه اویغون شعرلر یازیر، آذربایجانین ایلک مطبوع اورقانیندا نشر ائتدیریر. معاریفچی شاعر اوچون “اکینچی” خالقا مراجعت یئری ایدی. او، خالقی غفلت و جهالت یوخوسون دان اویانماغا چاغیریر، حسن بئی زردابی نین خیرخواه، معاریفچی تشببوس لرینی آلقیشلاییر، اونو بیلیک لی بیر معلم و خیرخواه بیر اینسان کیمی قیمتلن دیریردی. او، “اکینچی”ده چاپ ائتدیردیگی شعرلریله معاصرلرینی بو غزئتی اوخوماغا، اونا کؤمک ائتمهیه چاغیریردی: بس “اکینچی” جلالیمیزدیر بیزیم، شاعرین اثرلری ایچری سینده اؤیود، تمثیل و دیداکتیک ماهیت داشییان منظوم حکایه لر واردیر کی، بون لارین دا معین بیر حیسه سی اؤز ادعالاری اعتباریله اونون معاریفچی شعرلری ایله بیرلشیر. دوغروچولوق، مردلیک، دوستلوق، یولداش لیقدا متانت، چالیشقان لیق، ازیلن لره کؤمک، اینسان لارلا یاخشی رفتار و سایر گؤزل و نجیب صیفت لرین تربیه لندیریلمه سی همین اؤیودلرین اساس مضمونونو تشکیل ائدیر. من اویله بیلردیم کی منه یار اولاجاقسان عالمده منه یار وفادار اولاجاقسان من اویله خیال ائتمیشیدیم ای گول رعنا سربسته اولان غملره غمخوار اولاجاقسان....
عشقده سئودالره دوشدوم
مجنونه دؤنوب دامن صحرالــره دوشدوم سئودای سرزلفده سرمايمـــــی وئرديم سود ائيلمه ديم گورنئجه سئودالره دوشدوم
ای پير کؤنول گور قم کبرالـــره دوشدوم
هــــريئرده عبث تهمت بيجالره دوشدوم صنعانــــی اولوب بيربت ترسا طلبينده هــــــردم هوس دير و کليسالره دوشدوم شايد گتيررم داميمه اول دريتيمـــــی قواصه دونوب عشق ايله دريالره دوشدوم تاکـی بيرالين اوپمک اوچون پير مغانين ساقـی نين آياغيندان اوپوپ پالره دوشدوم عکس رخينـــی ساغر صهباده گورن دم بی تاب اولوبان اوزگه تمنالــــره دوشدوم بيلدی منـی نادان ائيله دی پند ، خلايق صد شکر کـــــی سيد دل دانالره دوشدوم
نه بو گـــــون باغدا یاریـم ، نه مئییم وار منیم سئــــیر گــــــلزارده بیــــهوده نه ییم وار منیم ســـــــیزی تانــــری یئتیرین پیر خراباته منی کی بو گون ساقـــــــی الیندن گیلئییم وار منیم منه معــــــــجون می لعـــلی دوا دور ساقـــــی کــی غــــم هــیـجر ایله جیسمیمده کیمیم وار منیم جان سنین، جسم سنین، امر سنین، فعل سنین جمـــله سنسن بـــو آراده نه شـــئییم وار منیم منــــی سید تکــــــی چــک گوشۀ میخانه لره آرتیــریـــر قم داخی، مسجیدده نه ییم وار منیم
+
نوشته شده در پنجشنبه هفتم اردیبهشت 1391ساعت 13:55 توسط nuri
|
|
|||||
|
|||||
|
|
|
||||
|
پنبه ي داغ جنون ايچره نهان دير بدنيم ديري اولدوقجا لباسيم بودور ، اولسم كفنيم جاني جانان ديله ميش وئرمه مك اولماز اي دل نه نزاع ايله يه ليم ،اُول نه سنين دير ، نه منيم داش د لـَر آهيم اوخو شهدِ لبين شوقون دن نولا زنبور ائوينه بنزه سه بيت الحزنيم؟ طوق زنجير جنون ، دايره دولت دير نه روا كيم مني اوندان چیخارا ضعف تنيم؟ عشق سرگشته سي يم سيل سرشك ايچره يئريم بير حبابم كي هوادن دولودور پيرهنيم بولبول غمزه ديم باغ بهاريم سن - سن دهن و قد و رُخون ، غنچه و سر و سمنيم ائده من ترك ((فضولي)) ، سر كويون يارين وطنيم دير، وطنيم دير،وطنيم دير،وطنيم.
منی جاندان اوساندیردی ، جفادان یار اوسانمازمی؟ فلک لر یاندی آهیمدان ، مرادیم شمعی یانمازمی؟ هامی بیمارینه جانان ، دوای درد ائدر احسان نئچون قیلماز منه درمان ، منی بیمار سانمازمی؟ غمیم پنهان توتاردیم من ، دئدیلر یاره قیل روشن دئسه م او بی وفا بیلمم ، اینانیرمی؟ اینانمازمی؟ شب هیجران یانار جانیم ، توکر قان چشم گیریانیم اویادیر خلقی افغانیم ، قارا بختیم اویانمازمی؟ گول رخسارینه قارشو ، گوزومدن قانلی آخار سو حبیبیم فصل گول دور بو ، آخار سولار بولانمازمی؟ دگیلدیم من سنه مایل ، سن ائتدین عقلیمی زاییل منه طعن ائیله ین غافل ، سنی گورجک اوتانمازمی؟ فضولی رند شئیدادیر ، همیشه خلقه روسوادیر سورون کی بو نه سئودادیر ، بو سئودادان اوسانمازمی؟
+
نوشته شده در پنجشنبه هفتم اردیبهشت 1391ساعت 13:37 توسط nuri
|
|
|||||
|
|||||
|
|
|
||||
|
آدین آزادلیقدیر گؤیلومه دوشور آدین آزادلیقدیر گؤیلومه دوشور
آدینی تئرور ائدیرلر آدینی گودورلر آدینی گولـلهلهییرلر... آدین ایلقارا سئوگیناز ناظیم حیکمته «مانا» آدینی قویاق خانیم ناز علی کریم حسین جاوید میکاییل مشفیق آدین مالکوم ایکس لورکا اوختای، زهتابی آدین عاشیق ماهنیسی اوخونور حسین جاوانین بوغازیندان آدینلا دانیشیر فریدون ابراهیمی آذربایجاندان آدین حلاجدیر کسسگ آتیرام آدین نسیمیدیر سویولور مئیدانلاردا گؤیلومون حلبینده سویوندوردوغوم گئجه تک آدین شریعتمداریدیر فاناتلار بوغور آدین من، دوستاق ائوین ... آدین لواییدیر گؤزوندن دوغولور آدین زیبا کرباسیدیر یوخوما گیریر آدین هئچ زاددیر قوجاغیمدا لولهلهنیر... قان- تر ایچینده چالینیر کسمه شیکسته آدین آدین قاراچایدیر سورگونده اؤلور سن بانی چیچک، شاصنم سن گولگزسن شاه عابباسا زوررانیرسان آدین دمو.....چولاردیر زینداندا یاتیر آدین دمو کرات آدین سئوگی، سئوگیناز آدین سولمازدیر خزره محکوم و بیر موغانلی شاعیردیر داماندا قالیب ........................... آدین نازدیر، آدین آز... آدین آزاد، آزاد ناز، آدین سیدجعفردیر گؤیلومدن قاچیر آدین آزادلیقدیر گؤیلومه دوشور آدینی تئرور ائدیرلر آدینی گودورلر آدینی گولـلهلهییرلر...
… آدیندان موغیات اول جانیم!.
به ائششهیین قیزی آخی سئویرم سنی... منه راپور وئرمه گؤزلرینله داما وئردیر دامسیزام سند گتیر آدامسیزام سن کی زیبا کرباسیدن ده گؤزلسن نازپریدن ده، هم ده... گؤزوم گؤزونون اویونجاغیدیر بوراخما بوراخما اللریمی نه اولور اردبیل کوچه لرینده ایت قاپار منی سسله آدیمی سسله من؟ من؟ من گونش اوغلویام خانیم سن آی ؟ آدینیز دیله - دیشه گلمیر آدی نه ایدی سیزین ؟؟؟ من سیزه گئدیرم سیز هاچان گلیرسیز منه قوناق ؟!. من.... من..... من..... نه دیلنن دئییم جوجه م آی لاو یو آی آی اُحِِبُ اُحِِبُ اُحِِبُ یا حبیبی قیز سئوییوروم سِنی بالالی.... گئتمه... دایان... دور... به ائششهیین قیزی آخی سئویرم سنی... سعید موغانلی
+
نوشته شده در چهارشنبه ششم اردیبهشت 1391ساعت 13:54 توسط nuri
|
|
|||||
|
|||||
|
|
|
||||
|
سن گلن چاغدا بوتون خاطیره لر دیسکینه جک عشقی زنجیره چکن ثانیه لر دیسکینه جک داردا قالمیش اوره ییم قایدالارا سیغمایاجاق غزل آزاد اولوبان قافیه لر دیسکینه جک
+
نوشته شده در دوشنبه چهارم اردیبهشت 1391ساعت 19:44 توسط nuri
|
|
|||||
|
|||||
|
|
|
||||
|
کؤلگه بو نه شیلتاقلیق دیر ائله ییر کؤنلوم ؟! بو نه سوواللاردیر دولوب بئینیمه ؟ بلکه ده داریخدیران منی کؤلگندیر سن گئتدین ده ، کؤلگن بوردادیر هله
بوجاقدا اوتوروب یئنه ده کؤلگن کؤلگن کؤلگه سالیب ، ائو ائشیییمه حسرتدن گؤزوموز آرازلانسادا کؤلگه میز بو ائوده یولداشلار هله
کؤلگن گؤزلوک اولوب گؤزومده منیم هر یانا باخیرام کؤلگن گؤرونور بوتون یاشادیغیم سئوینجلریم له کؤلگوی گؤرجک قمه بورونور
اوره ییم سینه می آری تک سانجدی اوره ییم یئرینده ن قوپوردو او آن کؤنلومه قان یاغدی گؤزومدن "بولوت" کؤلگه میز دوواردا اؤپوشن زامان
آیدینلیق قوتلو آیدینلیغین یولچوسو قارداش سارسیلماز ، یورولماز قولون وار اولسون سونسوز یول آچیریق آل سونسوزلوقا آیدینلیق دئدییین یولون وار اولسون
هله چوخ ایشیمیز واردیر بو یولدا یقین کی گئجه دن سونرا گوندوزدور آچیریق گئجه نین قیفیلین بیر – بیر سانمایین گئجه نین عؤمرو سونسوزدور
قارانلیق دوستاقدا قیزاران گونش گؤیومون اوزونده پارلایاجاقدیر آچیب جهالتله یومولان گؤزو دوشونجه یولونا نور ساچاجاقدیر
قارانلیق یوللارین مشعلی ییک بیز یانماقلا یوللارا نور ساچانلاریق دلینین اؤنونده لاپ دلی ییک بیز گئجه دن گوندوزه یول آچانلاریق
قورتولوش دئدییین یئره یئتمه یه دوشونجه قاپیسین آچماق گرک دیر جهالت قوللارین قاندال لایاراق باغیم سیز دونیایا دالماق گرک دیر
آیدینلیق یولونون یولچوسو بیزیک بلکه ده بو یولدا کسیلن قولدور نئجه کی دئییب لر اولو بابالار "گونشدن گونشه بیر گئجه یولدور"
+
نوشته شده در جمعه یکم اردیبهشت 1391ساعت 16:33 توسط nuri
|
|
|||||
|
|||||
|
|
|
||||
|
بو گئجه اوباشدان اویانام گرک سازیمین سیررینی آچمالییام من بو گئجه قان تره بویانام گرک گونشین یئرینه ساچمالییام من
بیر گون ساز چالیب یارانمیشام من ایندیسه کؤکله ییب یاراداجاغام دونه ن یاشامدان تالانمیاشام من باشقاجور یاشاییش آرایاجاغام
بلکه ده بو گئجه یاتمامالییام قارانلیق قوشونو ایزله ییر منی بو سئودانی باشدان آتمامالییام سحرین گؤزلری گؤزله ییر منی
حالال امدیییم دؤنسه زهره دوشمان آلایینا وارمالییام من آنجاق چاتماق اوچون آیدین سحره قارانلیق کؤکسونو یارمالییام من
بیر آغزی آل قانلی ، بیر آغزی یاشیل اورتاسی بیر اولدوز، بیر آی اولاجاق ................. ................. مصطفی حسین زاده (قاراسو)
+
نوشته شده در جمعه یکم اردیبهشت 1391ساعت 12:32 توسط nuri
|
|
|||||
|
|||||
 |
 |
||||
اَن حورمتلی و دیرلی آنام وطنیم آزربایجان دیر نوشته های پیشین اردیبهشت 1391 فروردین 1391 اسفند 1390 بهمن 1390 آذر 1390 شهریور 1390 مرداد 1390 تیر 1390 خرداد 1390 اردیبهشت 1390 فروردین 1390 اسفند 1389 بهمن 1389 دی 1389 پیوندها تحصيل در تركيه ناصير منظوري (آواوا) باشماق سسلي سوزلوك (اينگيليس - تورك) دوشرگه یورد کیتاب ائوی دده قورقود کیتابخاناسی اوزون کوچه اهریم خاتون اولو اولوس اؤره ییم آزربایجان |
|||||
|
|||||