پنبه ي داغ جنون ايچره نهان دير بدنيم×××ديري اولدوقجا لیباسيم بودور ، اولسه م كفنيم

سویوق بیر سون باهار خاطیرمده دی

تبریزین سازاقلی بیر سحری ایدی

سازاق سرت اولسادا اوشومورم من

چونکی دایاندیغیم وعده یئریدی

 

اؤنومده مؤحتشم گولوستان باغی

آرخامدا قالادان اوجا بیر دیوار

گولوستان باغیلا منیم آرامادان

کئچیر دایانمادان کئچیر آداملار

 

کئچیر بو کئچیددن هر جور آداملار

آغلییان آداملار ، گولن آداملار

کئچیر آداملار کی اؤلوسو دیری

کئچیر دیری – دیری اؤلن آداملار

 

سازاقلی سحردن اوشومَسَمده

سویوق باخیشلاردان اوشویور گؤزوم

اؤنومدن پول اوچون قاچان کسلرین

دردینی اؤزونده داشییر گؤزوم

 

قایغیلی فیکیرلر ، گرگین فیکیرلر

سوواللار ، سورغولار باشیمدان اسیر

آجی باخیشیلا ، بوز قدمی ایله

آی آللاه بو میللت هارا تلسیر

 

قوینوندا بیر چانتا ، باشیندا پاپاق

کئچدی قاباغیمدان دولو بیر کیشی

منی فیکیرلرین الیندن آلدی

بوز پالتار گئینمیش اولو بیر کیشی

 

ایسته دیم

قاباغین کسه بیلمدیم

اؤپم اللریندن

اؤپه بیلمدیم

حسرتله دالینجا چوخ باخدیم اونون

حئیرتله یئریمدن قوپا بیلمدیم

 

گئتدی قولتوغوندا دولوچانتاسی

او چانتا خالقیمین سؤز خزینه سی

صاباحین ، بوگونون ، اسکی تاریخین

دوغرو قایناغی دیر ، دوز خزینه سی

 

بیر داها گؤرمگه فلک قویمادی

او داهی اینسانی ، سؤز دونیاسینی

غزئتلر باشیندا بئله یازیلدی

زهتابی دَیشدی اؤز دونیاسینی

سویچو:سخاوت عزتی

نوشته شده توسط nuri در ساعت 13:53 | لینک  | 

گه لیب سه ن اوستومه خام خیال ایلا

فیکر ائتمه الینده اوله جه یم من

باخ بو یاتانلاریم بیر بیر اویانیر

داملایام سئله دونه جه یم من

حاققیمی آلاجایام اولن ده ییلم

ظولمون قارشیسیندا چتین اییلم

پولادام من داشا چتین یئییلم

یییه نین انگینی بوله جه یم من

 

مین ایل سنه اوتدوم حوکوم تاختیندا

رحم ائتدیم کسمدیم دیلو واختیندا

سن آلچاق گوجله نیب یاخیب یاخدین دا

بو دونه کوکونو یولاجایام

گووه نمه کی منی زوردان سالیبسان

بئش اون یالتاق ایچی میزده ن آلیب سان

ساتقینین دا ایشینی بیله جه یم من

قارراخلانما داها گوج سنده اولوب

ایه تاریخ صفحه لری بویانلا دولوب

یئنی نسیل گه لیب کوکونو یولوب

اویاخ نسیللرله دولاجایام من

 

دئمه بو یوردون قانانی یوخدو

آلیشیب اودونا یانانی چوخدو

هر بیر یازیچینین قلمی اوخدو

قلبینی اوخ ته ک ده له جییم من

او گئده ن قودرتیم الیمه گه له جه ک

گه له جه ک اوزوموه بئله گوله جه ک

ائلیم ، دیلیم ، وطنیم یوکسه له جه ک

ائلیمین شن گونونده گوله جه یم من

نوشته شده توسط nuri در ساعت 16:20 | لینک  | 

تانریدا تولوبان گویده ن باخیردی

تبریز بازاریندا اوجالان سسه

بیر ایده دوشونه ن یازیق آداملار

نه ایستیردی آنا دیلده مدرسه

 

اویاندان باخیردی مولک سویسه

هر دیلده دوت نفر اولان نوفوسه

دولت کیلاس آچیر قویور مدرسه

بوردا نئچه میلیون حسرت بودرسه

گور نه ایستیییر آنا دیلده مدرسه

 

توکولدو هر یاندان تئز زور دیینلر

الده سیلاح او آخیردان یینلر

موشقاردا آلانیب تئز باش اینلر

یوگوردولر ییرتیجی تک هر کسه

کیم ایستیییر آنا دیلده مدرسه

 

قاباغا گه له نی فقط ویردیلار

آللاه باخا باخا اولار قیردیلار

هم ویردیلار همده کی قیشقیردیلار

ویردیقجا گه لیردیلر هوسه

کیم ایستیییر آنا دیلده مدرسه

 

ماتورلاری هر بیر یانا چاپدیلار

بدنلر چوخ باتوملاری قاپدیلار

بئش آلتیسی بیرین تکجه تاپدیلار

دئییردی وورون اولسون بودا قاچار اولمه سه

نییه ایستیر آنا دیلده مدرسه

 

وورانلار هئچ ایسته کلره  باخمادی

وورولانلارین آللاهیندان قوخمادی

ایه آللاهیندا اوتان تری قاچمادی

یاراتدیقین یارادیبدیر ابسه

گور نه ایستییر آنا دیلده مدرسه

 

باخ باکیدا یوکسه ک مدنییته

فارسا مکتب آچیب وئره قیمته

سن باخ گینان بو آلچاقا ، شوونیزمه ، ناکسه

نییه وئرمیر آنا دیلده مدرسه

 

دوشونه ن تورک دیلینده درس ایستییر

قانمییان تورک دوروب گئری سسلییر

ایه قانمیر فارس اربابی کیمی پیسلییر

اوز آناسین ووران ارباب پیسلسه

قانمییانا نه مکتب له ، نه مدرسه

 

اوز آناسین وورانا باش اییر

سویوشلرده او قانمازا دئییلیر

چوخلوقانان تورکون حقی یئییلیر

ظولم آرتاجاق تورکلر فیکر ائتمه سه

گه ره ک آلا آنا دیلده مدرسه

 

یونسکو یازدیقی یاسا فریاددی

کیم اوز دیلین یازانماسا بی سوادی

اصل اون بئش هر گون اوچون ایمدادی

خلق اویانیب گرک وئره سس سسه

تاکی آلا آنا دیلده مدرسه

نوشته شده توسط nuri در ساعت 16:19 | لینک  | 

قریبه توتولور کویره ک اوره ییم

اوتایدان بوتایا قوناخ گه له نده

گه لیر اسیرلییم اونومده دورور

آزاد اینسانلاردان سوراخ گه له نده

بوینوم کونده ده دی ،  دیل منگنه ده

منی بو چارمیخدا اولوسوم قویوب

اوزگورلوک شرابین بیران دادمامیش

کیملیک شرابیننان کوسه ن تک دویور

ایچیب لر جهالت آخی دان سودان

بئیین لر کئییب یئریش بیلینمیر

چپرلنیب دیلین دانیشان یولو

ائله کئفلنیب لر دئییش بیلینمیر

وارلیق شرابیننان بیران دادالار

گوره له ر دونیادا توشه ن  نه هایدی

بئییمیتی اوخویور چالیر یونسکو

ائله بیر تویدوکو گه لمییه ن گایدی

صور ایسرافیلی گوزله ییر هه له

محشرده یارادان حقی وئره جه ک

یارادانا قالسا اگر قضاوت

سیزی اوزگور یاراتمیشدیم دییه جه ک

سیندیراق کونده نی قیراق قاندالی

کوله یاراتمییب هئچ کسی آللاه

اوزوموز اوزوموزو یاشاتمالییق

ظولمه دوزمه ک اوزو گوناهدی واللاه

نوشته شده توسط nuri در ساعت 15:45 | لینک  | 

اسیر آذربایجنیم

هانی منی گول قوینوندا دوغوران،

خمیرمی گوز یاشییلا یوغوران،

بئشیگیمده، «لایلا، بالام» چاغیران...

آذربایجان، منیم باختسیز آنام اوی...

نئچه ایلدیر حسرتینله یانام اوی...

 

سالام دئسم، روزگار آلیب گوتورسه،

آغری داغدان آلاگوزه اوتورسه،

گور سسیمی گوی خزره یئتیرسه،

خزر جوشوب زنجیرینی قیرسا اوی...

حوکم ائتسه بو سرسم گئدیش دورسا اوی...

 

خبر آلسام موغانیمدان، میلیمدن،

نازلی باکی، او نفت قوخان گولومدن،

کیم دئمیش کی، دوشموش آدی دیلیمدن...

آذربایجان، منیم ائشسیز یوردوم اوی...

اولمز عشقیم، ایچیمده کی دردیم اوی...

 

کونلومه تک کعبه ائتدیم سنی من،

سنسیز نئیلیم قوربت ائلده گونو من؟

سنسیز نئیلیم آللاهی من، دینی من...

آذربایجان، منیم تاجیم، تاخیم اوی!..

اویانمازمی کور اولاسی باختیم اوی!..

نوشته شده توسط nuri در ساعت 16:52 | لینک  | 

ایتالیانلار ایمان سیز

اینگیلیس هم فیرانسیز

بیزه اینه وئرمه سه له ر

قالاجاییق تومانسیز

 

من گئدیره م مرنده

تاماشا دیر گه له نده

بیزیم میللت یاتیب دیر

اویاناجاق اوله نده

 

نوشته شده توسط nuri در ساعت 16:51 | لینک  | 

                 آذربایجان وطن شرقسی

 

آذربایجان تورپاغیدیر تورک یوردونون اورگی،

حفظ ائتمه لی اولکه نی ناسیل گوزون ببگی،

تاریخه باخ، اونوتما سن اولو بابا، ددیی،

قان توکموشلر بو وطن اوچون، هئپ چکمیشلر امگی.

وطن اوچون، میلت اوچون گنجلر گئتدی عسگره،

کونوللو گئت سن ده یازیل او موبارک سفره.

 

قاتاری سال، آتینی مین، توفنگی آل الینه،

بابالاردان ارث قالان قیلینجی تاخ بئلینه،

بیر یابانجی قدم قویماق ایستر ایسه ائلینه،

بحری- خزر جوشوب- داشار، تاب گتیرمز سئلینه،

وطن اوچون، میلت اوچون گنجلر گئتدی عسگره،

کونوللو گئت سن ده یازیل او موبارک سفره.

 

حصار فلک گنجه داغی کوروغلونون یاتاغی ،

قایاسینا چیخیب تیکمیش ترلان کیمی اوتاغی،

شرور، اوردوباد، ناخچیوان آذربایجان بوداغی،

قویما گیرسین او موبارک یئره دوشمن آیاغی.

وطن اوچون، میلت اوچون گنجلر گئتدی عسگره،

کونوللو گئت سن ده یازیل او موبارک سفره.

نوشته شده توسط nuri در ساعت 16:50 | لینک  | 

آند

آند ایچیریک بو دره یه، بو داغا !

اجدادیمیز جان قویدوغو تورپاغا !

آند ایچیریک شفق رنگلی بایراغا !

آنا وطن، سنه لاییق اولاریق.

یاغیلاری دارماداغین سالاریق.

 

کونولده کی صداقته آند اولسون !

دوز ایلقارا، محبته آند اولسون !

بیزیم بویوک حقیقته آند اولسون !

گوی اوزونده آچاندا بیز قانادی،

عرشه چیخار یاغیلارین فریادی.

 

آند ایچیریک آزادلیغین آدینا،

آند ایچیریک شیرین عومرون دادینا.

آند ایچیریک سنه، آنا- قادینا،

عومروموزو ائله قوربان وئرریک.

گوله-گوله یولوندا جان وئرریک.

 

آنامیزین صاف سودونه آند اولسون !

آلقیشینا، اویودونه آند اولسون !

ظفر آدلی بویوک گونه آند اولسون !

آزادلیغین بایراغینی هر زامان

آذربایجان قورویاجاق یاغیدان !

نوشته شده توسط nuri در ساعت 16:49 | لینک  | 

 بو وطنه نئجه قییدینیز؟

اینسان اولان وطنینی ساتارمی،

سویون ایچیپ، چورگینی یئدینیز.

دونیادا وطندن عزیز شئی وارمی؛

بی لر ، بو وطنه نئجه قییدینیز؟

 

اونو دیدیک- دیدیک دیدیکله دیلر،

ساچلاریندان توتوب سوروکله دیلر.

گوتوروب کافیر: « بویور» ، - دئدیلر،

بی لر ، بو وطنه نئجه قییدینیز؟

 

بیر گون گلر، چرخ دوزونه چئوریلر،

بیر گون گلر، قارا داغلار دئوریلر،

بیر گون گلر، جاوابینیز وئریلر،

بی لر ، بو وطنه نئجه قییدینیز؟

نوشته شده توسط nuri در ساعت 16:48 | لینک  | 

یاد گول دره بیلمز

یاد گول دره بیلمز جمنیمدن،

هئچ قوووه آییرماز منی بیر آن

اوز دوغما ائلیمدن، وطنیمدن.

 

هر یئرده گونشدیر منه بایراق،

باش ایمرم عالم یاغی اولسا،

قان آخسا دا، سئل تک بدنیمدن.

 

اولسم، قالاجاقدیر عملیم ساغ

دوشمن منه ال وورس، امینم،

آتش آچیلاجاقدیر کفنیمدن.

 

هئچ قوووه آییرماز منی بیر آن

اوز دوغما ائلیمدن، وطنیمدن.

آذربایجان !

 

قانیمدیر، جانیمدیر آذربایجانیم،

آدیمدیر، سانیمدیر آذربایجانیم !

اوغروندا جانیندان کئچنلر اولوب،

اجل شربتینی ایچلر اولوب،

گوزل دونیامیزدان کوچنلر اولوب.

اوغوللار ایتیریب آذربایجانیم،

ایگیدلر یئتیریب آذربایجانیم !

 

سونسوز محبتی اور گیمده دیر،

قوووتی دیزیمده، بیلگیمده دیر،

تورپاغی نین عطری چور گیمده دیر،

بئله بیر دونیادیر آذربایجانیم !

 

ویجدانی بیر لکه گوتورمز اونون،

باغچاسی بیر قانقال بیتیرمز اونون.

اوولادی دوستلوغو ایتیرمز اونون،

حیات نفسلیدیر آذربایجانیمف

اینقیلاب سسلیدیر آذربایجانیم !

 

هوسنونو قورویان گوزوم وار منیم،

داغیندا، داشیندا ایزیم وار منیم،

ظفر کیتابیندا سوزوم وار منیم،

بوتون وارلیغیمدیر آذربایجانیم،

بختییارلیغیمدیر آذربایجانیم !

نوشته شده توسط nuri در ساعت 16:47 | لینک  | 

 

وطندیر

کونلوم یئنه بولبول کیمی شئیدایی- وطندیر،

مجنون ائدن عاشیقلری ائیلایی- وطندیر.

یوزلرله گوزل عاشیقی اولسام دا من، آما

قلبیم یئنه ده عاشیقی، سئودایی- وطندیر.

دونیایا گوزللیک وئرن، البتته، گونشدیر،

اوندان دا گوزل خلقه تجللایی- وطندیر.

قویماز بو موقدس یئره بیگانه توخونسون،

هر کس کی صداقتلیدیر ابنایی – وطندیر.

تعریفی- بئهیشت ائیله مه سین خلقیمه هر کس،

جنت ده، بئهیشت ده بیزه صحرایی – وطندیر .

واحید، ائله ظن ائیله کی، من یوسیفی- عصرم،

معشوقه منی عشقی زولئیخانی – وطندیر.

نوشته شده توسط nuri در ساعت 16:46 | لینک  | 

وطن

بو گون گرک

هر آنیمیز وطن ! دئسین !

قیلینجیمیز ، قالخانیمیز

وطن! – دئسین

اولنلرین عوضینه

قالانیمیز وطن ! دئسین.

وطن! – دئسین

قلبیمیزین هر دویغوسو،

هر وورغوسو

وطن! – دئسین

فرقی یوخدور، هاردا اولاق،

زامانیمیز، مکانیمیز

وطن! – دئسین

چوخ یاتدیق، چوخ مورگوله دیک،

قوجا میلت !

مورگوله دیک: قوشا – قوشا

داغلاریمیز اوغورلاندی

چایلاریمیز، گوللریمیز

اوغورلاندی

دوزلریمیز، چوللریمیز

اوغورلاندی

اوغورلاتدیق !

ایندی سایساق سایا سیغماز،

داها نه لر، نه لر اوغورلانیب.

یئر اوستونده خزینه لر،

یئر آلتیندا دفینه لر

اوغورلانیب !

قوجا میلت، هر آندیمیز،

آمانیمیز،

اگر وارسا،

ذره قدر ایمانیمیز،

ایمانیمیز وطن! – دئسین

هر یاخشیمیز، یامانیمیز

وطن! – دئسین

الی کسیک، دیلی کسیک

اوشاقلار وار- هله دوستاق،

کورپه دوستاق وطن! – دئسیر.

بو نه کولک، بو نه قاردی؟

دیدرگینلر اوزرینده

سوسوب دوردو

وطن! – دئدی،

مورگولوسن، قوجا میلت،

داها موحکم، داها اوتکم

گلسین سسین

وطن! – دئسین

قوجا میلت، بو گون گرک

هر آنیمیز وطن! – دئسین.

نوشته شده توسط nuri در ساعت 16:44 | لینک  | 

آددیم – آددیم

 

 Tevfik Fikret.jpg

آزادلیق قوربانسیز  اولمور.

نئیلیه سن، قانسیز اولمور.

هر بیریمیز بیر اوغولوق.

اوغول اوچون ، نوه اوچون

آزادلیغا گئدن یولوق.

یولا دونوب بو تورپاغا

دوشه نیریک، اوزانیریق.

قانیمیزین باهاسسینا

بیز آزادلیق قازانیریق.

آزادلیغا گئدن یولدا

بیر آددیمدی منیم آدیم

آزادلیغا گئدیر وطن

شهید- شهید، آددیم- آددیم !


قهرمانلیق

قهرمانلیق نه یالنیز بیر یوکسه لیش دئمکدیر ،

نه ده اولدوزلار کیمی پارلاییب سونمه مکدیر .

اولمزلیگی دوشونمک بوشونا بیر امکدیر ،

قهرمانلیق ، ووروشوب ، بیر داها دونمه مکدیر !

 

سیزلاسا دا کونوللر دوشنلرین یاسیندان ،

دابانقیرما گئتمه لی اونلارین آرخسیندان !

قهرمانلیق – ایچه رک آجی اولوم تاسیندان ،

ایره لیگه آتیلماق و سونرا دونمه مکدیر !

 

ییر تیجیلار آز یاشار ... اوزون سورمز دوغانلیق ...

هر ایشیغین آردیندا گیزلیدر بیر قارانلیق ؛

آدسیز – سانسیز اولسا دا ، ان بویوک قهرمانلیق :

گوز قیرپمادان ووروشوب بیر داها دونمه مکدیر !

 

قهرمانلیق نه یالنیز بیر بوکسه لیش دئمکدیر !

نه ده گونشلر کیمی پارلاییب سونمه مکدیر .

بونون اوچون اولومه بیر آتیلیش گرکدیر ،

آتیلدیقدان سونرا دا بیر داها دونمه مکدیر !


میللت شرقیسی

چئینندی ، یئتر ، وارلیغیمیز جهل ایله قهره !

دوغراندی موبارک وطنین باغری سببسیز .

بیرلیکده بو گون بولمالیییق دردینه چاره ،

جان قارداشی ، قان قارداشی ، شان قارداشیییق بیز !

میللت یولودور ، حاق یولودور توتدوغوموز یول !

ائی حق ، یاشا ! ائی سئوگیلی میلت ، یاشا ! وار اول !

 

گل قارداشیم ، آنان سنه موحتاج ، اونا چاتماق ،

چاتماق اونا ، قورتارماق او بی بختی – وظیفه ن .

قارشیندا کوکسو ، باغری آچیق ، اولگون یاتیر ، باخ ،

اونسوز یاشاماقدانسا برابر اولوم آه وان !

هر آن او گوزل سینیی خنجرله ییر اللر ،

ایمدادینا چاتماساق اگر ، محوی – موقددر .

 

ظولمون توپو وار ، گولله سی وار ، قلعه سی وارسا ،

حاقین دا بوکولمز قولو ، دونمز اوزو واردیر .

گوز یومما گونشدن ، نه قدر نورو قارالسا ،

سونمز ابدی ، هر گئجه نین گوندوزو واردیر !

میللت یولودور ، حاق یولودور توتدوغوموز یول !

ائی حاق ، یاشا ! ائی سئوگیلی میلت ، یاشا ! وار اول !

 

واختیله بابان کیمسه یه میننتی ائدردی ؟!

یوخ ! قالمادی حاشا سانا ظیللت پدریندن .

دونیادا شرفدیر یاشادان میلتی ، فردی ،

سیلکین ، اتالت توزو اوچسون اوزریندن .

اینسانلیغی پامال ائدن آلچاقلیغی ییخ ، از ،

واللاه ، یاشاماق یئرده سورو کلنمه یه دیمز !

 

هاقسیزلیغین هر اوزونو گوردوک ... بومو قانون ؟

ان غملی صفالتلره دوشدوک ... بومو دوولت ؟

دوولتسه ده ، قانونسا دا ، آرتیق یئتر اولسون ،

آرتیق یئتر اولسون بو قدر ظولمی – جهالت ...

میللت یولودور ، حاق یولودور توتدوغوموز یول !

ائی حاق ، یاشا ! ائی سئوگیلی میلت ، یاشا ! وار اول !

نوشته شده توسط nuri در ساعت 16:42 | لینک  | 

وطن

من گوزومو بو تورپاقدا آچمیشام،

منیم دیلیم بو تورپاقدا سوز توتوب.

ایمکله میش، یئریمیشم، قاچمیشام-

دیزلریمی قاناداندا داش- کسک

ایلک یارام دا بو تورپاقدا گوز توتوب.

تاریخینده آدیم- سانیم یوخ اونون،

هاردان اولسون، نئیله میشم آخی من؟

آنجاق وطن منیم کیمی چوخونون

زحمتینی چوخ چکمیشدیر ازلدن.

اللریمدن توتا- توتا آپارمیش،

منی حیات یوللارینا چیخارمیش

بو یئرده دیر، ریشه لریم، کوکلریم-

اولو بابام بو تورپاقدا اویویور.

وطن- منیم آل شفقلی سحریم،

اونسوز گونش گوزلریمده سویویور.

وطنسیزین نه گونش، نه آیی؟

وطن یوخسا- هر شئیی هدر ، هاوایی.

قاریش- قاریش دولانسام دا جاهانی،

گوزلسه ده یاد ائللره سیاحت،
هئیران – هئیران سئیر ائتسم ده هر یانی،

سیاحتیم بوردا بیتر، نهایت.

آغوشونا چکر منی تورپاغیم.

هاردا اولسام، هاردا گزیب دولانسام،

بوردا تاپار عکس- صدا سوراغیم.

بیر – بیریندن هر شئی قوپار، آیریلار-

آیریلمایان بس نه وار؟

من ،

وطن !


ایستیقلال مارشی

گوز آچدیغیم قدیم تورپاق،

دایاغیمسان سن دونیادا.

دوغما آنام، ائی مئهریبان،

ائی قهرمان، آذربایجان !

آددیم- آددیم قوجاغیندان

اودلو سئللر چاغلاسا دا،

حسرت قالدین سن ایشیغا،
زامان – زامان، آذربایجان !

یاد ائللیلر داملا- داملا

آل قانینی سوردو سنین،
کیملر سنین گوز دیکمه دی

تورپاغینا، آذربایجان !

بایراغینی ائندیردیلر،

آنجاق اوزون اییلمه دین،

آلقیش بو گون او اوجالان

بایراغینا، آذربایجان !

سحر کیمی جاوان سنسن،
تاریخ کیمی قوجا سنسن.

فاتئحلری دیز چوکدورن

ووقاریمسان، آذربایجان !

اوز مقدس داغلاریندان

گونش کیمی اوجا سنسن،

یئر اوزونده منیم اودلار

دییاریمسان، آذربایجان.

سحرلرین قوی آچیلسین،
تزه نورلو باهار ایله،

گله جگه مرد آددیملا،

اوغورلا گئت، آذربایجان !

شهیدلرین آل قانیندان،

لاله آچمیش یوللار ایله،

ایستیقلالین صاباحینا

غرورلا گئت، آذربایجان !

نوشته شده توسط nuri در ساعت 16:38 | لینک  | 

بختیار وهابزاده

سئویره م هاوانین توتولماغینی

او گونش دوغاجاق - او - گونش آنجاق

 

سئویره م قیشین دا سرت اولماغینی

ایستی یای دوغاجاق - ایستی یای آنجاق

 

سئویره م نیفرتین لاپ سون حدینی

او سئوگی دوغاجاق - او - سئوگی آنجاق

 

سئویره م ظولمونده مشقتینی

عدالت دوغاجاق - عدالت آنجاق


وطن

چاغیریر ایندی بوتون میلتی ایمدادا وطن.

دییشیلمز، آی اوغول، جنته دونیادا وطن.

بیزه مئیدان اوخویان بیلمه لیدیر بیر دفه لیک

نه ساتیلماز، نه وئریلمز بینه دن یادا وطن.

سینه آلتیندا گرک قلب کیمی هر آن دویونه،

یانا اولدوز کیمی هر سوزده، هر ایمضادا وطن.

وطن عشقیندن اوجالسین بوتون ایسکلریمیز،

یاشاسین آرزودا، مقصدده، تمننادا وطن.

اولولار اویمادی وار- دولته، یالنیز دئدیلر؛

ان بویوک بخشیشیمیز بیزدن هر اوولادا ، وطن


وطن اولماز

جنت اولا قوربت، یئنه واللاه، وطن اولماز.

قوربتده شاه اولسان دا، بیر آرزون بیتن اولماز.

اجدادیمیزین توربه سی تورپاق- کوکوموزدور،

تورپاقسیز آچان بوغدا دنیندن ده دن اولماز.

کوکدن آرالاندینسا، ایشین دوشدو قضایا،

ائلچین چکیلن هر بیر عذاب مین چیچک آچمیش،

یوردوندا ائلین چکدیگی زحمت ایتن اولماز.

یورد عشقی بوتون سئوگیلرین تاجیدیر، البت ،
حاقدان دوغولان قیبله یه هئچ واخت چاتان اولماز. 


سئودیم ، بیلدیم کی ...

یوردوم، وطنیم، شوهرتیم، آندیم !

بیر واخت کی، سنین عشقینه یاندیم،

بیلدیم کی، اصل اینسانام ، اینسان !

بیلدیم کی، ندیر

ایستگیم، آرزوم بو جاهاندان !

سئودیم سنی،

هم نشعه نی ،

هم درد – قمی تاپدیم !

سئودیم سنی، من قبیله می تاپدیم !

سئودیم سنی، بیلدیم کی، منیم

اوز صیفتیم وار.

بیلدیم اوغولام؛

اوز آنام ، اوز مملکتیم وار !

بیلدیم کی ، وطن نامینه اولموش

تک – تک دوغولانلار نییه مین – مین.

بیلدیم کی ، ندیر مایه سی هر قودرتین، عزمین !

بیلدیم کی،

نئچین غئیرتی یوخلار سنی دانمیش...

بیلدیم کی، وطن نامینه اولمک نه آسانمیش !

بیلدیم، سنین عشقینله اویونمک و اویولمک

نه دئمکدیر؟

بیلدیم،

سنین اوغروندا دا اولمک نه دئمکدیر !

خالق سئودی منی،

ائی منیم اوز شوهرتیم، آندیم ،

سئودیم و سئویلدیم ! بو بویوک سئوگینی یالنیز

هر گون داها چوخ

من سنی سئومکله قازاندیم ! 


(ایختیصارلا)

آذربایجان اوغلویام،

اودو آللاه سانمیشام.

آنام تورپاق،

آتام اود،

من اوددان یارانمیشام.

 

اود کیمی ایستی قانلی،

سئل تک دلی قاتلییام،

حیات قدر قدیمم،

تورپاق قدر شانلییام.

 

اود کیمی یاندیرانام.

سو کیمی سوندورنم

منی یاندیرسالار دا،

سودا باتیرسالار دا،

یئنه منم،

من منم !

 

کوکوم اوسته بیتمیشم،

شوهرتیم وار،

شانیم وارف

منیم کله جکله ده اوز عهدی- پئیمانیم وار.

 

آذربایجان اوغلویام،

آت بئلینده دوغولدوم،

زامانین قازانیندا،

نئچه دفعه داغ اولدوم.

 

منیم دامارلاریمدا

گور سئللر چاغلامیشدیر،

آنانم جنگ لر اوسته

منی قونداقلامیشدیر.

 

آذربایجان اوغلویام،

مین ایلدیر،

اوز آدیمینکئشیگینده دورموشام.

سیلاحیم اولمایاندا

نیفرتیمی باریت تک

قلبیمه دولدورموشام.

 

آذربایجان اوغلویام،

یاشیم آدیمدان قدیم.

هئچ کسین تویوغونا

عومرومده «کیش» دئمه دیم.

کیمسه نین تورپاغیندا

گوزوم یوخ،

بیلسین عالم

تورپاغیمدان بیر چرک

کیمسه یه ده وئرمرم...

 

اوز مسلکیم ، اور عشقیم

دایم مندن اونده دیرف

اذربایجان بایراغی

باشیمین اوستونده دیر.


آذربایجان

آذربایجان، آدین اوددور، اوزون- ایشیق، سوزون – ایشیق.

بیز ده سنین بو موقدس تورپاغیندان بوی آتمیشیق،

سنسن بیزیم بو دونیادا مسلکی میز، آمالیمیز،

یولوموزا ایشیق ساچسین اولدوزوموز، هیلالیمیز.

 

نفسیمیز- اولو قورقود دده میزین اوز نفسی،

ماهنیمیزدا یاشار بیزیم بابالارین آددیم سسی.

بو تورپاقدا، بو دییاردا دونن واردیق، بو گون واریق،

بیز کئچمیشه گووندیکجه گله جگه آددیملاریق.

 

وطن بیز سهسز ده کئچینر، کئچینمریک بیز وطنسیز.

بو مراملا بوی آتمیشیق چنلی بئللر اوستونده بیز.

شهیدلرین قانی ایله یوغرولوبدور تورپاغیمیز،

قلبیمیزده دالغالانیر اوز اوچ رنگلی بایراغیمیز.

 

قاراداشلیقدیر شعاریمیز، بیز همیشه ال توتانیق،

دوشمن بیزه ال اوزاتسا، دوشمنلیگی اونودانیق.

کونلوموزده بیر واحید دیر گونئییمیز، قوزئییمیز،

وطن- بیزیم ناموسوموز، بیز وطنیک، وطن  ده بیز      

نوشته شده توسط nuri در ساعت 16:35 | لینک  | 

آپارتاید کلمه است آفریقایی به معنی جدائی و در اصطلاح به سیاست تبعیض نژادی که توسط حزب ملی آفریقای جنوبی از سال 1948 اعمال گردید اطلاق میشود. سیاست تبعیض نژادی از اواسط قرن هفدهم  - همگام با آغاز استعمار اروپائیان در آفریقای جنوبی – آغاز گردید. اما حزب ملی آفریقای جنوبی روشی را در پیش گرفت که تبعیض را شامل کلیه جنبه های زندگی افراد غیرسفید یعنی بیش از 80 درصد جمعیت کشور نمود. این سیاست مبنی بر سیادت کامل قوم سفید و تبعیض مطلق نسبت به غیرسفید هاست و از لحاظ نظری معتقد به جدائی کامل کلیه نژادها و تساوی امکانات آنهاست. ولی حامیان و مخالفان آن متفق القولند که چنین چیزی غیرممکن است. موضوع آپارتاید برای اولین بار توسط دکتر مالان کاندیدای حزب ملی که در انتخابات 1948 برنده شد، مطرح گردید.

طرفداران آپارتاید، آن را تنها ضامن حفظ تمدن سفید ها در آفریقای جنوبی می دانند و معتقدند که اساس آپارتاید بر نوعی احساس قیمومت نسبت به مردم آفریقا نهاده شده و به غیر سفید ها اجازه می دهد زندگی خود را بطور مجزا در دنیای خود ادامه دهند. بدین ترتیب آپارتاید خواستار ایجاد جوامع نژادی بسته و مجزا در آفریقای جنوبی است. ولی در عمل با در نظر گرفتن اینکه اقتصاد آفریقای جنوبی کلا وابسته به نیروی کار سیاهان است و 70 درصد زمین های کشور به قوم سفید اختصاص دارد (12 درصد جمعیت)، سیاهان از حق داشتن قدرت سیاسی قانونا محروم شده اند. طبق قوانین موجود در آن زمان، حقوق سیاسی ، حق نقل مکان، اختیار انتخاب مسکن، مالکیت، دین، اختیار انتخاب شغل و ازدواج غیر سفیدها محدود شده بود. یک سلسله قوانین دیگر واحدهای منطقه ای خاصی جهت غیرسفیدها پیش بینی میکردند که به بانتوستان مشهور بودند. از سال 1953 ، مطابق قوانین کشور شرکت یا تحریک به اعتصاب و یا هر گونه اقدامی در مخالفت با دولت از جانب کارگران بومی جرم محسوب میشد. پس از واگذاری مسئولیت تعلیمات بومی به وزارت امور بومی، این وزارت خانه اعلام کرد آموزگارانی که به تساوی نژادها معتقدند، عنصر مطلوبی برای تدریس به بومیان به شمار نمی روند. مجمع عمومی سازمان ملل متحد در سال 1952 به موضوع آپارتاید توجه نمود و آن را خطری برای صلح و آرامش و حقوق بشر محسوب کرد. کمیسیونی از طرف سازمان ملل مامور تحقیق در مورد آپارتاید گردید و اگر چه دولت آفریقای جنوبی به این کمیسیون اجازه ی ورود به کشور را نداد، ولی سیاست دولت مذکور از طرف کمیسیون محکوم گردید و اظهار امیدواری شد که در روش خود تجدید نظر نماید.

در سال ۱۹۹۰ دولت حزب ملی اولین گام برای مذاکره کناره‌گیری از قدرت را با لغو ممنوعیت کنگره ملی آفریقا و دیگر موسسات سیاسی چپ‌گرا برداشت و نلسون ماندلا را بعد از ۲۷ سال زندان ، آزاد کرد. قوانین آپارتاید به تدریج از کتاب‌های قانون حذف شدند و اولین انتخابات چند نژادی در سال ۱۹۹۴ برگزار شد و این به دلیل منازعات خشونت آمیزی بود که بین اکثریت سیاهپوستان و بسیاری از سفید پوستان، رنگین پوستان و هندیان اتفاق می‌افتاد حزب ANC با اکثریت آراء پیروز انتخابات شد و از آن زمان تاکنون قدرت را در دست داشته‌ است.

نوشته شده توسط nuri در ساعت 19:35 | لینک  | 

منم ای شانلی سهندیم

باشی طوفانلی سهندیم

اوره گی قانلی سهندیم

ائله بیر جاردی دوشوب داشاجاقسان

دارتینی وولکان اولارکن آشاجاقسان

سئل اولارکن آخاجاقسان

اوت اولوب یاندیراجاقسان ، یاناجاقسان

آمما ای ائل غمینه ، قلبی یانان شانلی سهندیم

اوره گی قانلی سهندیم ، ال قولو باغلی سهندیم

داشما ال ساخلا سهندیم

بیلیره م باشداکی طوفان قدری

سینه ده ائل قایغی سی وار

بیلیره م قلبینی ایللر بویو ظولمو اوخویاردی

بلی ، دونیا سنه چوخ خیردادی ، داردی

بیلره م باشداکی طوفان قده ری سینه ده ائل قایغی سی واردی

تکجه سن یوخ ائلی هرکیم کی توشونور گوزله ری زاردی

گوزله ری خان ساوالان تک باشی قاردی

حق دیین باشلارین آخیر یئری داردی

هم صمد، هم قره باغی بوغولوب سئللر آپاردی

قره باغین یئرین ایندی قان ایچه ن ناقا آلیب دیر

داها شنلیک یئرینه ائلله ره غم کولگه سالیب دیر

اولو بابک آتامیزدان بیر اوچوق قالا قالیب دیر

ائلی غم چورقالیییب دیر

داها بابک قانینین یوخدو دامارلاردا نیشانی

ایستیر ایتسین یئرینین اسکی زامانلار داکی شانی

یوردوم آذربای اولوب چیخمادا یوخدور داها جانی

توکولور یئر له ره قانی

هر زامان ایسته دیم آزجا دانشیم اوز دیله ییم نه ن

دیلیمی چکدیلر چیخسین گوبه ییم نه ن

ووردولار بیر زهریلی اوخ اوره ییم نه ن

یادا بیر هالقالی زنجیر بیله ییم نه ن

یادا بیر زهریلی خنجر کوره گیم نه ن

ائل داغیم ، قول بوداغم دوزدو آرخاندا سنین تک دایاغین وار

ساوالان تک اوجا شانلی داغین وار

ولی سینه مده ، سن بویدا داغیم وار

قیریلان قول بوداغیم وار

چن دوشوب ، ائلده یامان توزلو دوماندی

بوز باسیب ایندی اوره کله ر بوراندی

قارا باغدا آنالار گوزله ری قاندی

ائلین احوالی یاماندی

فاسلاشیب بعضی قولاخ لار ائشیده نمیر

فاسلاشیب بعضی قولاخ لار ائشیده نمیر

جهل آلیب گوزله ری دای حقی گوره نمیر

ساتیلیب اوزگی دیلینده دانشیب تورکو به یه نمیر

اینانیب بیر یالان افسانییه دای تورکه گووه نمیر

فیکر ائدیللر ائلیمین هئچ شانی یوخدو

اولو بابک کیمی بیر سولطانی یوخدو

دده قورقوت یادا ستارخانی یوخدو

یا اوغوز لارکیمی بیر باشقانی یوخدو

او دوشونمور بو ائلین قوچ دلی دومرول کیمی افسانه سی واردی

یا فیضولی ایله نیظامی ، فرزانه سی واردی

شهریارین کیمی شعر سولطانی دوردانه سی واردی

وئرمه یه جانی نسیمی کیمی جانانسی واردی

بلی ای شانلی سهندیم

یاغ اولوب اوزگه چیراغیندا یانیلار

بیزی بیگانه سانیلار

شرفی ، حقی دانیلار

نه اولوب ، نه اوتانیلار

ایش چونوب دور ، دایانیب ائل بالاسی ائل قاباغیندا

ایسته ییر سد اولا بو دالغالانان سئل قاباغیندا

آنامیر کی دایانیب یئل دایاغیندا

هه له بیلمیر کی بویئل گلدی گئده ردی

جهلی بو شانلی ائله غم دی کدردی

نه قه ده ر  اله شه بوشدو هدردی

نییه بیلمیر بو جهالت نه قضادی نه قه ده ردی

نئینه مه ک داشما سهندیم

بیر آز ال ساخلا سهندیم

اوتوروب آغلا سهندیم

آغلا قوی گوز یاشیوا چای بولاغ آخسین

دولانیب ائلده سولان ، گول له ره باخسین

ایلدیریم تک گویله ره شاخسین

دده میز قورقودو تاپسین

دده قورقوت الینه بیر قوپوز آلسین

بیزه بیرلیک هاواسیندان گئنه چالسین

دوشمانین باغری قارالیسن

اولو بابک دادا گلسین

نبی له ر فریادا گلسین

قوچ نبی له ر یادا گلسین

دلی له ر فریادا گلسین

بلکه بیرلیک سسینه آللانان اینسان لار اویانسین

دوشمنین گولشه نی گولزاری تالانسین

حوققالی جامی چالانسین

گوروم اوندا بیزه کیمدیر دییه تورکون کوکو یوخدو

گورسون آذر ائلینین آسلانی چوخدو

بوائلین غئیرتی چوخ گوزله ره اوخدو

ستاری ، بابکی چوخدو

ستاری ، بابکی چوخدو

ستاری ، بابکی چوخدو

نوشته شده توسط nuri در ساعت 13:5 | لینک  | 

"اوشاقلار! بو سونونجو دؤنه ­دير كي من سيزه درس دئيه­ جه­ يم. دوشمنلر امر ائديبلر كي بو بؤلگه نين اوْخوللاريندا، اؤز ديللريندن باشقا بير ديلده درس وئريلمه ­سين. يئني اؤيرتمن يارين گله­جك و بوُ ميللي ديلينيزده اوْلان سوْن درسدير كي بو گون اوخويورسوز. سيزدن ايسته ييرم كي بو درسه دقت ائدين."[1]

 

حؤرمتلی اؤیرنجی­لریم،

سایقی­لی و ده­یرلی اؤیرتمن­لر،

 

قارانلیق بیر گئجه ­نین قوینوندا، باغریمیز ده ­لینیر! تون گونشین به­ نیزی­نی توتاراق دونوموزون چیراغین سوندورمه ­یه چالیشیر. دون بو گون حالا دوغمواقدا گئجیشیر. و سن! آی منی یئتیشدیرن اؤیرتمن! و سن! آی مندن اؤیرنن اؤیرنجی! بو گئجه ­نین باغرینی، قارانلیق دوغان یانیلدان شئیطانین اوره ­یی­نی هاچان چاتلاتماق ایسته­ییرسن؟ ندن بو قارا ظولمه سوسوب، هایکیرمیرسان؟ ندن اونا قارشی دایانمیرسان؟!

بو گون منیم سون درس گونومدور! آنلاتدیقلاریم، اؤیرتدیکلریم، بو گون سونا اریب، سونوجلاناجاق! بو گون سیزه وطن درسی­نین سون نوقطه ­سینه دک آنلاتماق ایسته ­ییرم. بو گون سیزه سئوگینین باشلانیشدان، آشیلماز چتینلیکلری آشماقدان، و سئوگیلی­ وطنی باغرا باسماقدان، و اونون باغریندا آرام توتماقدان دانیشماق ایسته­ییرم. بو گون سیزه توحید آذریونون ناغیلی­نی، عابدی­لرین ناغیلی­نی آنلاتماق ایسته ­ییرم. آذریون کیمی شوکتلی و شهامتلی اینسانی «تانیماییریق!» دئمه­یین کی هئچ سیزه یاراشان دئییل! اونو تانیماق حایات فلسفه ­میزین ایلک اوخول درسی­دیر. آتانین چؤرک وئرمه ­سیندن، و آنانین سو وئرمه ­سیندن اؤنجه­دیر اونون حایات وئرمه ­سی. توحید آذریون "وطن اوچون اؤلمک، اؤلومسوز دوغولماقدیر" سیمگه ­سی و نیشانه ­سی­دیر. اونو تانیماییرق دئمه­یین هئچ!

1385ین خورداد آییندا، آذربایجانین قانلی قییامیندا، راسیستلرین و فاشیست­لرین تیتره ­دیگی گونده، توحید آذریون اؤلومسوزلره قاتیلیب، دوغولدو! تبریز، اورمو، اردبیل، زنجان، قزوین، همدان، و بوتون آذربایجان ظولمون گؤزونو، راسیست­ین گؤزه ­سی تئهرانی نیشانه توتوب، «بیز ده آذریون دوغولماق ایسته­ییرک» هایکیردی. "بو جان سیزین اولسون و جانلار جانی آذربایجان بیزیم" هارای چکدی و سولدوز آذرییونون گوللـه­لنمیش قانلی بوغازیندان سون هارایی «وطــــــــــــــــن!» سؤزجویونو باغیردی. سن نه ائتدین او گون؟! سن نه ائدیرسن بو گون؟! آنلات گؤروم؟!

مندن سوروشورسانسا، من نه ائتدیگیمی چوخ یاخشی بیلیرم! من سنه سون درسیمی، و سون درس گونومو آنلاتماق ایسته ییرم. بو تئرم بو گونه دک سنه اؤیرتدیگیم «برنامه­نویسی مقدماتی»، «مباحث ویژه یک»، «سیستم عامل و کارگاه»، «مباحث ویژه دو»، «اینترنت»، و ... باشقا درس­لردن نه اؤیرنمیسن؟ بو گون اونلاردان مین قات اوستونونو اؤیرتمک ایسته­ییرم. بو گون سنه وطنین داردا اولدوغونو، بو گون سنه اونون اوریه ­یینه باتان تیکانلی مفتیل­لری آنلاتماق ایسته ­ییرم. بو گون سنه آنا دیلیوین، و آنا تورپاغیوین، وطنیوین سنه یاردیم سسی­نی چاتدیرماق ایسته ­ییرم. بو گون سنین اونا اولان گؤره ­ویوی خاطیرلاتماق ایسته ­ییرم. خاطیرلاییرسانمی هئچ؟!

بو گون وطنیندن کئچن چایدان سو آندی ایچمک آنی­دیر. بویون «سویا آند» زامانی­دیر! بو آن سنین آنین! بو آن منیم آنیم­دیر. آند ایچمک ایسته ­ییرسنمی؟! آند ایچ! وطن یولونو ایشیقلاندیران آیدینلیق چیراغینا آند ایچ! آند ایچ کی وطن یولوندا هئچ زامان یورولمادان، هئچ زامان آیاقدان دوشمه ­دن چالیشاجاقسان. آند ایچ کی ائلیوی، شیرین دیلیوی، زنگین تورپاغیوی راسیست الیندن قورتاراجاقسان. آند ایچ کی بو درسی اوخوللاردا یوخ، بلکه، وطن دامارلاری اولان خییاوانلاردا اؤیره­نه ­جک­سن. آند ایچ کی داها سوسمایاجاقسان، و وطن دردینه چاره اولمایان ا.ب.ج.د.نی ازبرله ­مکدن داها واز کئچیب، وطن ابجدی­نی اؤیره­نه ­جکسن. آند ایچ کی ائلیوه یاناجاقسان کی یانیلماق اودونا یانمایاسان! بو تورپاغا، بو میلله ­ته، آغ بیرچک آنالارین آغ بیرچکلیرنه، آغ ساققال آتالارین آغ ساققالینا، چوره ­یه، دوزا، سویا، چیراغا، داماریندا آخان آل قانا، قیزیل آلمادان یارانمیش آل بایراغا، ایشیق ساچان گونه، گئجه­لر پاریلدایان اولدوزلارا، دان اولدوزا، توحید آذریونون گوللـه­لنمیش بوغازینا، اونون وطن هاریینا، تبریزه، اورمویا، سولدوزا، اردبیل­ مچیدلری­نین گونبه ­زینه، زنجانین سولطانیه ­سی­نه و شوکتلی-میتانتلی «سعید متین­پور»ونا، همدانین اوجقار داغلارینا، قزوینین قدیم ائلینه، و آنا دیلینده امدیگین وطن سوتونه آند ایچ کی «وطن» خییاوانلاریندا، سوسمادان های-های «وطــــــن» باغیراجاکسان!

بو گون منیم سون درس گونوم! بو گون منیم سنه اؤیرتدیگیم سون سؤزوم!

«یاشاسین وطن»!

 




[1]  فرانسه­لي يازيچي «آلفونس دوده»نین «سون درس» آدلی ناغیلی

نوشته شده توسط nuri در ساعت 11:34 | لینک  |